येवला (इंडिया दर्पण वृत्तसेवा) – मंत्री छगन भुजबळ यांचा वाढदिवस सर्वत्र साजरा होत असतांना त्यांच्याच येवला विधानसभा मतदार संघात वाढदिवसाचा शुभेच्छा बॅनर अज्ञात इसमाने फाडत त्यावर काळी शाही फेकल्याची घटना घडली. छगन भुजबळ यांचा आज वाढदिवस असून यानिमित्त हा शुभेच्छा बॅनर लावण्यात आला होता.
नाशिक राज्य महामार्गावर अंगणगाव जवळ हा बँनर लावण्यात आला होता. दोन दिवसापासून त्यांना जीवे मारण्याच्या धमकीचे फोन आले. तर एकाने व्हॅाटसअॅपवर धमकीचा मेसेज पाठवला. त्यानंतर काल झालेल्या मनोज जरांगे पाटील यांनी भुजबळांवर जोरदार टीका केली. तर भुजबळांनी त्याला प्रतित्त्युर दिले.
या सर्व घटना घडत असतांना मात्र आज त्यांच्या मतदार संघात एका अज्ञाताने वाढदिवसाचा शुभेच्छा बॅनर फाडत काळी शाही फेकल्यामुळे भुजबळ समर्थकांमध्ये संताप आहे.
