नाशिक (इंडिया दर्पण वृत्तसेवा)- उघड्यावर जुगार खेळणा-या दोघांना पोलीसांनी बेड्या ठोकल्या. संशयिताच्या ताब्यातून रोकडसह जुगाराचे साहित्य हस्तगत करण्यात आले असून याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
योगेश आसाराम भिंगारदिवे (रा.गोसावीवाडी) व राजेंद्र लक्ष्मण शिंदे (रा.एकलहरागेट) अशी अटक करण्यात आलेल्या संशयितांची नावे आहेत. याबाबत अंमलदार रोहित शिंदे यांनी फिर्याद दिली आहे. शिवाजी महाजार पुतळा भागात दोन जण नागरीकांना जुगार खेळण्यास प्रवृत्त करीत असल्याची माहिती पोलीसांना मिळाली होती.
त्यानुसार गुरूवारी (दि.१४) सायंकाळच्या सुमारास नाशिकरोड पोलीसांनी छापा टाकला असता संशयित पोस्ट ऑफिस समोरील चंदन फरसान दुकाना शेजारील झाडाखाली उघड्यावर श्रीदेवी नावाचा अंक अकड्यावर मटका जुगार खेळतांना व खेळवितांना मिळून आले. दोघांच्या ताब्यातून रोकडसह जुगाराचे साहित्य असा सुमारे १ हजार ४५० रूपये किमतीचा मुद्देमाल हस्तगत करण्यात आला असून अधिक तपास हवालदार गोसावी करीत आहेत.
२९ व्यक्तीने गळफास लावून घेत केली आत्महत्या
नाशिक (इंडिया दर्पण वृत्तसेवा)- पाथर्डी शिवारातील गजानन नगर भागात राहणा-या २९ व्यक्तीने गळफास लावून घेत आत्महत्या केली. सदर इसमाच्या आत्महत्येचे कारण समजू शकले नाही. याबाबत इंदिरानगर पोलीस ठाण्यात मृत्यूची नोंद करण्यात आली आहे.
मनोज राजेंद्र परदेशी (रा.मयुरेश पार्क प्लॅटीनम हॉस्पिटल जवळ गजानन नगर) असे मृत व्यक्तीचेनाव आहे. परदेशी याने गुरूवारी (दि.१४) अज्ञात कारणातून आपल्या राहत्या घरातील हॉलमध्ये पंख्यास ओढणी बांधून गळफास लावून घेतला होता. त्यात त्याचा मृत्यू झाला. याबाबत सासू योगिता काळे यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास हवालदार गांगुर्डे करीत आहेत.
