मुंबई (इंडिया दर्पण वृत्तसेवा)- राहुल यांची ‘भारत जोडो न्याय यात्रा’ बुधवारी धुळे जिल्ह्यात दाखल झाली. दोंडाईचा येथे त्यांची भव्य रॅली आयोजित करण्यात आली होती. त्यानंतर ते धुळे शहरात आले. धुळे शहरात आयोजित महिला मेळाव्यात त्यांनी मोदी सरकारवर टीका केली. त्यानंतर त्यांचा मालेगाव येथे रोड शो झाला.
या मालेगावच्या रोड शोचा एक व्हिडिओ सोशल मीडियावर पोस्ट करत भाजपचे आमदार राम कदम यांनी श्रीमान उद्धव ठाकरे… तुमच्या राहूल गांधींचे छत्रपती शिवाजी महाराजा बाबत प्रेम पहा..मालेगाव मध्ये कोणाला खुश करण्याच्या नादात…आमच्या छत्रपती ना.. एवढा अनादर ..हिम्मत असेल तर.. मर्द असाल तर.. खडे बोल सुनावाल का? की मांजर व्हाल?
असा प्रश्न केला आहे. मालेगावमध्ये छत्रपती शिवाजी महाराजांच्या पुतळ्याजवळून भारत जोडो न्याय यात्रा गेल्यानंतर राहुल गांधी यांनी महाराजांना अभिवादन केले नाही असा आरोप राम कदम यांनी केला आहे.
