नाशिक (इंडिया दर्पण वृत्तसेवा)– सिडकोतील हेडगेवार चौक भागात झालेल्या घरफोडीत चोरट्यांनी सुमारे ५० हजार रूपये किमतीचे अलंकार चोरून नेले. याबाबत अंबड पोलीस ठाण्यात घरफोडीचा गुन्हा दाखल करण्यात आला आहे.
दिपक कैलास पाटील (रा.हेडगेवार चौक,त्रिमुर्ती चौक) यांनी याप्रकरणी तक्रार दाखल केली आहे. पाटील कुटूंबिय गेल्या ३१आॅगष्ट रोजी मुळ गावी जळगाव येथे गेले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून कपाटात ठेवलेले सुमारे ५० हजार रूपये किमतीचे सोन्याचे दागिणे चोरून नेले. अधिक तपास हवालदार दिनेश महाजन करीत आहेत.
४८ वर्षीय परप्रांतीय इसमाची आत्महत्या
नाशिक (इंडिया दर्पण वृत्तसेवा)- जुने नाशिक परिसरातील मधली होळी भागात राहणा-या ४८ वर्षीय परप्रांतीय इसमाने गळफास लावून घेत आत्महत्या केली. सदर व्यक्तीच्या आत्महत्येचे कारण समजू शकले नाही. याबाबत भद्रकाली पोलीस ठाण्यात मृत्यूची नोंद करण्यात आली आहे.
पिंटू कुमार पुरण शहा (रा.घर नं.२२२७ मधली होळी) असे मृत व्यक्तीचे नाव आहे. शहा याने सोमवारी (दि.११) सकाळी अज्ञात कारणातून आपल्या राहत्या घरात पंख्यास नॉयलॉन दोरी बांधून गळफास लावून घेतला होता. त्यात त्याचा मृत्यू झाला. याबाबत मित्र रोशन लढ्ढा याने दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास हवालदार महाले करीत आहेत.
२२ वर्षीय तरूणाची आत्महत्या
नाशिक (इंडिया दर्पण वृत्तसेवा)- भारतनगर भागात राहणा-या २२ वर्षीय तरूणाने गळफास लावून घेत आत्महत्या केली. सदर युवकाच्या आत्महत्येचे कारण समजू शकले नाही. याप्रकरणी मुंबईनाका पोलीस ठाण्यात मृत्यूची नोंद करण्यात आली आहे.
विशाल विनोद जगदाळे (२२ रा. हिना स्टोअर्स जवळ, मनपा शाळे मागे भारतनगर) असे मृत युवकाचे नाव आहे. जगदाळे याने रविवारी (दि.१०) रात्री अज्ञात कारणातून आपल्या राहत्या घरी छताच्या लोखंडी अ‍ँगलला कपड्याच्या सहाय्याने गळफास लावून घेतला होता. ही बाब निदर्शनास येताच बेशुध्द अवस्थेत शेजारी वसंत सकट यांनी त्यास जिल्हारूग्णालयात दाखल केले असता वैद्यकीय सुत्रांनी मृत घोषीत केले.
