नाशिक (इंडिया दर्पण वृत्तसेवा) – विनयनगर भागात घरात शिरून बळजबरीने टिव्ही चोरी केल्याप्रकरणी एकास पोलीसांनी अटक केली आहे. याप्रकरणी मुंबईनाका पोलीस ठाण्यात जबरीचोरीचा गुन्हा दाखल करण्यात आला आहे.
दानिश शकिल शेख (२३ रा.सादीक नगर,वडाळाना) असे अटक करण्यात आलेल्या संशयिताचे नाव आहे. याबाबत तायबा खान (रा.महादेव पार्वती अपा.भारत पेट्रोल पंपासमोर,विनयनगर) या युवतीने फिर्याद दिली आहे. बुधवारी (दि.६) दुपारच्या सुमारास ही घटना घडली होती.
संशयिताने तायबा खान यांच्या घरात प्रवेश करून शिवीगाळ व दमदाटी करीत त्यांच्या घरातील सुमारे दहा हजार रूपये किमतीचा टिव्ही बळजबरीने खोलून नेला होता. याबाबत तक्रार प्राप्त होताच पोलीसांनी संशयितास बेड्या ठोकल्या असून अधिक तपास हवालदार म्हैसधुणे करीत आहेत.
