नाशिक (इंडिया दर्पण वृत्तसेवा)- पंचवटी कारंजा भागातील अंबिका रेस्टॉरंट जवळ पार्किंगमध्ये पार्क केलेल्या दुचाकीची डिक्की उघडून चोरट्यांनी सुमारे पाच लाखाची रोकड चोरून नेली. याप्रकरणी पंचवटी पोलीस ठाण्यात चोरीचा गुन्हा दाखल करण्यात आला आहे.
पोलीसांनी दिलेल्या माहितीनुसार आशिष पंडित (रा.वसंत अपा.पंचवटी कारंजा) या युवकाने याप्रकरणी तक्रार दाखल केली आहे. पंडित बुधवारी (दि.६) दुपारच्या सुमारास बॅंकेत पैसे काढण्यासाठी गेले होते. पैसे काढून ते दुचाकीने घराकडे परतत असतांना ही घटना घडली. अंबिका रेस्टॉरंट भागात अल्पावधीच्या कामासाठी ते थांबले असता ही चोरी झाली.
रेस्टॉरंटच्या पार्किंगमध्ये दुचाकी लावून ते काही अंतरावर गेले असता अज्ञात चोरट्यांनी दुचाकीची डिक्की उघडून पाच लाखाची रोकड चोरून नेली. अधिक तपास हवालदार चव्हाण करीत आहेत.
