नाशिक (इंडिया दर्पण वृत्तसेवा) – सातपूर औद्योगिक वसाहतीतील बाबासाई बेकरी कंपनीतील नवीन लिफ्टच्या टेस्टिंगचे काम सुरू असताना बेअरिंग निसटून झालेल्या अपघातात गंभीर जखमी मजुरांपैकी एकाचा मंगळवारी (दि.५) रूग्णालयात उपचारांदरम्यान मृत्यू झाला.
शाहरुख खान (वय २५) असे मृत मजूराचे नाव आहे. या अपघातातील मृतांची संख्या आता दोन झाली असून, दोघा गंभीर जखमींवर उपचार सुरू आहेत. शुक्रवारी (दि.१) सायंकाळी ही घटना घडली होती. लिफ्ट तुटल्याने मृतासह जखमी सुमारे २० फुट उंचीवरून जमीनीवर कोसळले होते.
या अपघातात एता युवकाटा जागीच मृत्यू झाला होता. तर शाहरुख खान सह दिनेश कमलेश बैठ (२५), कमलेश महेंद्र चंद्रवशी (२०) हे मजूर जखमी होते. पैकी खान याचा उपचारादरम्यान खासगी रूग्णालयात मृत्यू झाला. अधिक तपास हवालदार रमेश वाघमारे करीत आहेत.
