मालेगाव (इंडिया दर्पण वृत्तसेवा) – शहरातील नामपूर रोडवरील साई सेलिब्रेशन लॉन्स मधील ऑफीस मध्ये सकाळच्या सुमारास बिबट्या घुसल्याची घटना घडली. या वेळी लॉन्स मध्ये असलेल्या एका लहानग्या मुलाला बिबट्या दिसताच त्याने ऑफीसचे शटर ओढून घेत आपल्या वडिलांना याची माहिती दिली.
त्यानंतर वडीलांनी वनविभागाच्या अधिकाऱ्यांना याची माहिती दिल्यानंतर रेस्क्यू टीम तेथे पोहचली. त्यानंतर नाशिक येथून डॉट पथक आल्यानंतर त्यांनी बिबट्याला ब्लो पाईप व्दारे डॉट देत भूल दिली. त्यानंतर रेस्क्यू पथकाने बिबट्याला जेरबंद केले. बिबट्या जेरबंद झाल्याने परिसरातील नागरीकांनी सुटकेचा निश्वास घेतला. बिबट्याला पाहण्यासाठी परिसरात मात्र नागरीकांची मोठी गर्दी झाली होती.
