वंदना वेदपाठक, इंडिया दर्पण वृत्तसेवा
बॉलीवूड अभिनेत्री सारा अली खान तिच्या प्रत्येक भूमिकेत वेगळेपण असण्याचा प्रयत्न करीत असते. ऐ वतन मेरे वतन’ या चित्रपटात साराने भारतीय स्वातंत्र्य लढ्यातील उषा मेहता यांची भूमिका साकारली आहे. नुकताच चित्रपटाचा ट्रेलर भेटीला आलाय. या ट्रेलरमधून सारा अली खान – सचिन खेडेकर यांच्या अभिनयाची चुणूक पाहायला मिळतेय.
‘ऐ वतन मेरे वतन’ च्या ट्रेलरमध्ये भारत स्वातंत्र्य होण्यासाठी लढणारी उषा मेहता भूमिकेत साराने सशक्तपणे केल्याचे दिसत आहे. यात तिचे सहकारी इंग्रजांपासून भारताला स्वातंत्र्य मिळवण्यासाठी लढा देतात. हा लढा देत असतानाच एक मोठं साधन सापडतं ते म्हणजे रेडिओ. रेडिओच्या माध्यमातून लोकांना जागरुक करण्याचं काम यात सारा उषा मेहतांच्या भूमिकेत करतांना दिसते. इंग्रजांना सुगावा लागू न देता पारतंत्र्यात अडकलेल्या भारतीयांना संबोधन करण्याचं काम करणे यात मुख्य आहे.
ऐ वतन मेरे वतन’ मध्ये सारा अली खान, सचिन खेडेकर याशिवाय ‘लापता लेडिज’मधील अभिनेता स्पर्श श्रीवास्तव सिनेमात विशेष भूमिकेत झळकतोय. करण जोहरने सिनेमाची निर्मिती केलीय. २१ मार्चला हा सिनेमा अॅमेझॉन प्राईम या OTT प्लॅटफॉर्मवर रिलीज होईल.
