नाशिक (इंडिया दर्पण वृत्तसेवा)- शहरात वेगवेगळ्या भागात पार्क केलेल्या इनोव्हा कारसह दुचाकी चोरट्यांनी चोरून नेली. याप्रकरणी सरकारवाडा व पंचवटी पोलीस ठाण्यात गुन्हे दाखल करण्यात आले आहेत.
जुना गंगापूर नाका भागात राहणारे हरी दिनेश शर्मा (रा. गिल्स बंगलो, चोपडा लॉन्स शेजारी) यांची इनोव्हा कार (एमएच १५ एफटी ७७२१) गेल्या बुधवारी (दि.२८ ) रात्री त्यांच्या बंगल्या समोर पार्क केलेली असतांना ती चोरट्यांनी चोरून नेली. याबाबत सरकारवाडा पोलीस ठाण्यात गुन्हा दाखल करण्यात आला असून अधिक तपास हवालदार बागुल करीत आहेत.
दुसरी घटना गोदाघाटावर घडली. महादेव शेषराव प्रधान (रा.अमृतधाम,पंचवटी) हे शनिवारी (दि.२) रात्री गोदाघाटावर गेले होते. संत गाडगे बाबा महाराज पुलाखाली पार्क केलेली त्यांची एमएच १५ डीझेड ९२३२ चोरट्यांनी चोरून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास पोलीस नाईक भोईर करीत आहेत.
