इंडिया दर्पण ऑनलाईन डेस्क
वंचित बहुजन आघाडीच्या सर्व कार्यकर्त्यांना आवाहन आहे की, वंचित बहुजन आघाडीची महाविकास आघाडीसोबत अजूनपर्यंत युती पूर्ण झालेली नाही असे विधान अॅड. प्रकाश आंबेडकर यांनी केल्यानंतर महाविकास आघाडीचे टेन्शन वाढले आहे.
सोशल मीडियावर टाकलेल्या पोस्टमध्ये अॅड. आंबेडकर यांनी म्हटले आहे की, वंचित बहुजन आघाडीच्या सर्व कार्यकर्त्यांना आवाहन आहे की, वंचित बहुजन आघाडीची महाविकास आघाडीसोबत अजूनपर्यंत युती पूर्ण झालेली नाहीये. तेव्हा इतर पक्षांकडून पक्ष बैठक किंवा कार्यक्रमाला बोलावत असतील तर त्या बैठकी, कार्यक्रमामध्ये उपस्थित राहू नये. ॲड. प्रकाश आंबेडकर व पक्षाच्या प्रदेशाध्यक्षा रेखाताई ठाकूर यांची सूचना येईपर्यंत कोणीही सहभागी होऊ नये.
महाविकास आघाडीचा जागा वाटपचा तिढा अजून पर्यंत संपला नाही. त्यामुळे अॅड. प्रकाश आंबेडकर यांनी हे आवाहन केले आहे. या आवाहनानंतर महाविकास आघीडच्या नेत्यांनी सारवासारव केली असली तरी अॅड. प्रकाश आंबेडकर यांना किती जागा देणार हे मात्र अद्यापही त्यांना सांगितले नाही.
