इंडिया दर्पण ऑनलाईन डेस्क
रांचीः झारखंडमध्ये स्पेनच्या युवतीवर सात जणांनी सामूहिक बलात्कार केल्याची घटना घडली आहे. स्पेनमधील ट्रॅव्हल व्लॉगर या पीडितेने इंस्टाग्रामवर केलेल्या पोस्टमध्ये वेदनादायक घटनेचा भयानक अनुभव शेअर केला आहे. चेहऱ्यावरच्या जखमा दाखवत व्हिडीममध्ये पीडित महिलेने स्पॅनिशमध्ये संदेश दिला आहे.
ही महिला आणि तिचा साथीदार दोन मोटरसायकलवरून बांगला देशातून झारखंडमधील दुमकाला येत होते. बिहार आणि नंतर नेपाळला जाण्याचा त्यांचा बेत होता. ही पीडित महिला म्हणते, “आम्ही हॉस्पिटलमध्ये आहोत. माझ्यावर सात जणांनी बलात्कार केला. त्यांनी आम्हाला मारहाण करून लुटले. आम्ही पोलिसांसोबत हॉस्पिटलमध्ये आहोत. आमच्या गळ्यावर चाकू ठेवला आणि आम्हाला ठार मारण्याची धमकी दिली. तेथे सात लोक होते. रांचीपासून तीनशे किलोमीटर अंतरावर असलेल्या हंसदिहा पोलिस ठाण्यात ही घटना घडली. दोघेही तात्पुरत्या तंबूत रात्र काढत होते.
या घटनेबाबत दुमका पोलिस अधीक्षक पीतांबर सिंह खेरवार यांनी महिलेवर बलात्कार झाल्याची माहिती दिली. सातही आरोपींची ओळख पटली असून त्यापैकी चार जणांना अटक करण्यात आली आहे. उर्वरित तिघांनाही लवकरच अटक करण्यात येईल, असे त्यांनी सांगितले. महिलेच्या पार्टनरने महिलेने सांगितले, की ती झोपली असताना काही स्थानिक तरुणांनी तंबूत घुसून तिच्यावर बलात्कार केला. आरोपींनी तिला मारहाणही केली.
