इंडिया दर्पण ऑनलाईन डेस्क
जालनाः मनोज जरांगे पाटील यांची प्रकृती अचानक खालावल्याची माहिती त्यांच्यावर उपचार करणाऱ्या डॉ. विष्णू सकुंडे दिली आहे. जरांगे यांच्या अचानक छातीत दुखू लागल्याचेही त्यांनी सांगितले. मी सध्या इंजेक्शन आणि सलाईन लावले आहे; मात्र उपचाराला त्यांची साथ नाही. त्यांना तात्काळ छत्रपती संभाजीनगरला हलविण्याची गरज असल्याचेही त्यांनी सांगितले.
जरांगे यांचे अंतरवली सराटी येथे मराठा आरक्षणासाठी उपोषण सुरू होते. मराठा समाजाला ओबीसी कोट्यातून आरक्षण मिळावे, या मागणीवर ते ठाम आहेत. मराठा समाजाच्या आग्रहानंतर त्यांनी उपोषण सोडले असले, तरी त्यांची प्रकृती खालावली आहे. त्यांची प्रकृती बिघडल्याने त्यांच्यावर उपोषणस्थळी उपचार केले जात होते. डॉक्टर त्यांच्या प्रकृतीची काळजी घेत होते; पण आज अचानक त्यांच्या छातीत दुखू लागले.
