लासलगांव (इंडिया दर्पण वृत्तसेवा) – मोटरसायकल चोरास लासलगाव पोलिसांनी वेगाने तपास करत एक तासात गजाआड केले आहे. सहाय्यक पोलीस निरीक्षक भास्करराव शिंदे व पोलीस कर्मचारी यांनी सीसीटीव्हीच्या बघून चोरास विंचूर परिसरातच पकडले.
पोलिसांच्या पथकाने सीसीटीव्ही फुटेजच्या आधारे दुचाकी घेऊन जाणारा संशयित अक्रम अलिम शेख हमु देवगांव भरवसफाटा ता. निफाड हा विंचुर च्या दिशेने डोंगरगांव रस्त्याला गाडी घेऊन जातांना संशयितरित्या मिळुन आला. या आरोपीने स्कुटी मोटारसायकल चोरी केल्याची कबुली दिली आहे.
पोलिसांनी ही स्कुटी मोटार सायकल हस्तगत केली असून यातील आरोपीला अटक केली आहे. पुढील तपास पुढील तपास पोलीस नाईक राहुल घोलप हे करीत आहेत. अवघ्या एक तासात मोटरसायकल चोरास पकडले याबाबत नागरिकांनी कौतुक केले आहे. या चोराकडून अधिक मोटरसायकल चोऱ्या उघडकीस येण्याची शक्यता व्यक्त होत आहे.
