नाशिक (इंडिया दर्पण वृत्तसेवा)- औद्योगीक वसाहतीतील कारखान्यात शिरून चोरट्यांनी स्पेअर पार्ट चोरून नेले. या घटनेत कॅमलॉक सोल्युशन,मेटल पार्ट व वॉशर असा सुमारे सव्वा तीन लाख रूपये किमतीचा ऐवज चोरट्यांनी पळविला असून याप्रकरणी सातपूर पोलीस ठाण्यात गुन्हा दाखल करण्यात आला आहे. कैलास गोपाळ ततार (रा.उंटवाडी) यांनी याबाबत फिर्याद दिली आहे.
सातपूर औद्योगीक वसाहतीतील सुयोग रबर इंडस्ट्रीज प्रा.लि. या कारखान्यात ही चोरी झाली. २६ जानेवारी निमित्त कारखान्यास सुट्टी असल्याने कारखाना बंद होता. अज्ञात चोरट्यांनी कारखाना बंद असल्याची संधी साधत कारखान्यात शिरून ही चोरी केली. कारखान्यात शिरलेल्या चोरट्यांनी कॅमलॉक सोल्युशन,मेटल पार्टस आणि वॉशर असा सुमारे ३ लाख १३ हजार ५९९ रूपये किमतीचा ऐवज चोरून नेला. अधिक तपास हवालदार खरपडे करीत आहेत………
द्राक्ष बागेचे अँगल व अन्य सामान चोरी
नाशिक (इंडिया दर्पण वृत्तसेवा)- छत्रपती संभाजीनगर रोडवरील वरद लक्ष्मी बॅक्वेट हॉल परिसरात ठेवलेले द्राक्ष बागेचे अँगल व अन्य सामान चोरट्यांनी चोरून नेले. ही घटना गेल्या २१ फेब्रुवारी रोजी रात्री घडली. याप्रकरणी आडगाव पोलीस ठाण्यात गुन्हा दाखल करण्यात आला आहे.
भानूदास नाना शेळके (रा.महालक्ष्मीनगर,जत्रा हॉटेल) यांनी याबाबत फिर्याद दिली आहे. शेळके याचे वरद लक्ष्मी बॅक्वेट हॉल येथे ठेवलेले दोन ग्राईंडर मशिन,स्टील रिंगा,स्टील रॉड,वजन काटा,द्राक्ष बागेचे अँगल, इलेक्ट्रीक मोटारची केबल व लोखंडी पाईप असा सुमारे ६५ हजार ९५० रूपये किमतीचा ऐवज चोरून नेला. अधिक तपास हवालदार जाधव करीत आहेत.
