नाशिक (इंडिया दर्पण वृत्तसेवा)- जेलरोड भागात धक्का लागल्याच्या कारणातून चार जणांच्या टोळक्याने एकास बेदम मारहाण केल्याची घटना घडली. या घटनेत दगड फेकून मारण्यात आल्याने ३८ वर्षीय व्यक्ती जखमी झाला असून, याप्रकरणी उपनगर पोलीस ठाण्यात गुन्हा दाखल करण्यात आला आहे.
दिगंबर कृष्णा कापसे (रा.अरिंगळे डेअरी फार्म मागे,इच्छामणीनगर) यांनी याबाबत फिर्याद दिली आहे. कापसे गेल्या शुक्रवारी (दि.२३) रात्री जेलरोड भागात गेले होते. तलाठी कार्यालय परिसरातील देशमुख भवन समोरून ते पायी जात असतांना अज्ञात चार जणांच्या टोळक्याने त्यांना गाठले.
धक्का लागल्याची कुरापत काढून टोळक्याने कापसे यांना शिवीगाळ करीत बेदम मारहाण केली. या घटनेत दगड फेकून मारण्यात आल्याने कापसे जखमी झाले असून अधिक तपास पोलीस नाईक हिवाळे करीत आहेत.
