लासलगाव (इंडिया दर्पण वृत्तसेवा) – शहरातील मेनरोड वरील रहदारीच्या ठिकाणी असलेल्या एका नामांकित सोनाराच्या दुकानात भरदिवसा पोत चोरी करणारा चोर ग्राहकांनी दुकानदारांच्या मदतीने पकडला.
मंळगवारी सायंकाळी ६ वाजेच्या दरम्यान दुकानदार ग्राहकाला पोत आणि सोने व चांदीची दागिने दाखवत असतांना तोंड बांधलेला एक चोरटा दुकानात शिरला. त्यानंतर त्याने दुकानदार आणि ग्राहकाची नजर चुकून तीन तोळ्याची अंदाजे दोन लाख रुपये किंमतीची पोत उचलून पळून जाण्याचा प्रयत्न केला.
पण, दुकानात असलेल्या ग्राहकाने या चोरट्याला पकडले. त्यानंतर दुकानदारही पुढे आले. त्यामुळे या चोरट्याचा चोरीचा प्रयत्न फसला. हा चोरीचा संपूर्ण प्रकार दुकानात असलेल्या सीसीटिव्ही कॉमेऱ्यात कैद झाला. हा चोरटा मनोरुग्ण असल्याचे बोलले जात आहे.
