नाशिक (इंडिया दर्पण वृत्तसेवा) – दिंडोरीरोडवरील सुयोग हॅास्पिटलमध्ये डॅाक्टरांवर हल्ला केल्याची घटनेमुळे खळबळ निर्माण झाली आहे. नाशिक कृषी उत्पन्न बाजार समितीलगत असलेल्या या हॅास्पिटलमध्ये अज्ञात संशयिताने हॅास्पिटलचे संचालक डॅा. कैलास राठी यांच्यावर धारधार शस्त्राने वार करुन त्यांना जीवे ठार मारण्याचा प्रयत्न केला.
शुक्रवारी रात्री ९ वाजेच्या सुमारास ही घटना घडली आहे. या हल्ल्यात डॅा. राठी यांच्यावर १५ हून अधिव वार करण्यात आले असून ते गंभीर जखमी झाले आहे. त्यांची प्रकृत्ती चिंताजनक असून त्यांना उपचारासाठी तातडीने अपोलो हॅास्पिटमध्ये दाखल करण्यात आले.
हे हल्लेखोर कोण होते याची माहिती अद्याप समोर आली नाही. ते डॅाक्टरांना भेटण्यासाठी आले होते. त्यावेळी डॅा. राठी व संशयित आरोपी यांच्यात बोलणे झाले. त्यांच्याबरोबर डॅाक्टर कॅबिनमध्ये चर्चा करत असतांनाच हा हल्ला करण्यात आला. त्यानंतर हे संशयित पसार झाले. या घटनेची माहिती मिळताच पोलिस घटनास्थळी दाखल झाले असून त्यांना तपास सुरु केला आहे. रुग्णालयातील सीसीटीव्ही फुटेजवरुन संशयितांचा शोध घेतला जात आहे.
