वंदना वेदपाठक, इंडिया दर्पण वृत्तसेवा
महिंद्रा अँड महिंद्रा चे अध्यक्ष आनंद महिंद्रानी एक अनोखा व्हिडिओ एक्स अकाउंटवर पोस्ट केला आहे. यात एका मिठाई वाल्याने जिलेबी बनवण्याचा एक अनोखा जूगाड केला आहे. याचा व्हिडिओला शेअर करत आनंद महिंद्रांनी पोस्ट शेअर केली आहे. व्हायरल होत असलेल्या व्हिडिओत आपल्याला एक मिठाईची दुकान दिसते. या दुकानाच्या बाजूलाच एक मोठी तेलाने भरलेली कढई दिसत असून या कढईत एक व्यक्ती जिलेबी करण्याची जुनी आणि नेहमीच पद्धत वापरत नाही तर चक्क एका टेक्नॉलॉजीचा वापर करताना दिसत आहे.
याच्या मदतीने जिलेबी तेलात तळण्यासाठी, टाकण्यासाठी जास्त वेळ लागत नसल्याचे आपल्याला दिसते. तसेच कढईजवळ असलेला दुसरा व्यक्ती एका वस्तुच्या मदतीने कढईत तळण्यासाठी टाकलेली जिलेबी व्यवस्थित सुट्टी करतोय. सध्या आनंद महिंद्रा यांनी शेअर केलेली पोस्ट सोशल मीडियावर चांगलीच व्हायरल होत आहे.
व्हायरल होत असलेल्या जिलेबीचा व्हिडिओ भारतातील नसून तो पाकिस्तानमधील असल्याचे समजते. जिलेबी बनवण्याची एक शानदार जुगाडू पद्धत पाहून भारतीय उद्योगपती आनंद महिंद्राही स्वतःला रोखू शकले नाहीत. त्यांनी स्वतः हा व्हिडिओ सोशल मीडियावर शेअर केला आहे. सोशल मीडिया प्लॅटफॉर्म एक्स @anandmahindra या अकाउंटवर आनंद महिंद्रा यांनी व्हिडिओ शेअर केला आहे. व्हिडिओ व्हायरल होताच सर्वांच्या पसंतीस उतरला आहे.
