वंदना वेदपाठक, इंडिया दर्पण वृत्तसेवा
मेधा शंकर ही अभिनेत्री 12th फेल’ या चित्रपटाद्वारे प्रसिद्धी झोतात आली. IMDb ने अभिनेत्री मेधा शंकरला ‘ब्रेक आऊट स्टार’ स्टार मीटर हा पुरस्कार मिळाल्याची घोषणा केली आहे. जगातील मूव्हीज, टीव्ही शोज आणि सेलिब्रिटीजवरील माहितीचा सर्वांत विश्वसनीय स्त्रोत असलेल्या IMDb नं हा पुरस्कार जाहीर केला.
IMDb app वर सर्वाधिक परफॉर्म करणाऱ्या प्रसिद्ध भारतीय सेलिब्रिटीजमधील कलाकारांना गौरवले जाते. त्यामध्ये जगभरातून दर महिन्याला IMDb वर येणाऱ्या 20 कोटींपेक्षा जास्त व्हिजिटर्सचं वास्तविक पेज व्ह्यूज लक्षात घेतले जातात आणि मग त्यातून ठरवलं जातं की कोणता कलाकार ब्रेकथ्रू मूमेंटच्या जवळ आहे.
मेधा शंकरला विधू विनोद चोप्रा यांच्या ’12th फेल’ चित्रपटातून प्रसिद्धी मिळाली. हा चित्रपट आयपीएस अधिकारी मनोज कुमार शर्मांच्या आणि आयआरएस अधिकारी श्रद्धा जोशी यांच्या आयुष्यावर आधारीत आहे. चित्रपट प्रदर्शित झाल्यानंतर मेधा शंकरला जानेवारीमध्ये प्रसिद्ध भारतीय सेलिब्रिटीजच्या टॉप 10 यादीत तीन वेळेस स्थान मिळाले. तर दोन आठवडे ती पहिल्या स्थानावर होती. 12th फेल सध्या सर्वोत्तम 250 भारतीय चित्रपटांच्या यादीमध्ये पहिल्या स्थानी आहे व त्याचे IMDb रेटींग हे 9.1 आहे.
