वंदना वेदपाठक, इंडिया दर्पण वृत्तसेवा
अभिनेत्री बॉलिवूड अभिनेत्री यामी गौतम ही तिच्या वेगवेगळ्या विषयावरील चित्रपटासाठी ओळखली जाते. तिने अनेक वेगवेगळ्या भूमिका साकारून कौतुकाची पावती मिळवलेली आहे. परंतु आता पंतप्रधान नरेंद्र मोदींनी ही तिच्या एका चित्रपटाचा उल्लेख त्यांच्या भाषणा दरम्यान केल्याने चर्चा होत आहे. यामी गौतम तिच्या आगामी ‘आर्टिकल ३७०’ या चित्रपटात एका दमदार भूमिकेत दिसणार आहे.
पंतप्रधान मोदी जम्मू-काश्मीरमधून कलम ३७० हटवण्याच्या निर्णयाबद्दल बोलले आणि त्याचे कौतुकही केले. दरम्यान, पीएम मोदींनीही या चित्रपटाचा उल्लेख केला. ते म्हणाले की, आता ३७० वर एक चित्रपट येणार आहे. कालच मी टीव्हीवर चित्रपट पाहिला. आता जगभर तुमचा जयजयकार होणार आहे. लोकांना योग्य माहिती मिळेल हे चांगले आहे.
या चित्रपटाबाबत निर्मात्यांनी मोठी घोषणाही केली आहे. अशा परिस्थितीत निर्मात्यांनी या चित्रपटाच्या तिकीट दरात लक्षणीय कपात करण्याचा निर्णय घेतला आहे. चित्रपट पाहण्यासाठी तुम्हाला फक्त ९९ रुपये खर्च करावे लागतील.
