नाशिक (इंडिया दर्पण वृत्तसेवा) – नाशिक- मुंबई- आग्रा महामार्गावर आठवा मैलाजवळ टेम्पो पलटी होऊन झालेल्या अपघातात दोन जण गंभीर तर दोन जण किरकोळ जखमी झाले आहे. मंगळवारी सायंकाळी साडेपाच वाजता हा अपघात झाला.
नाशिककडून पिंपळदकडे जाणारा आयशर टेम्पो पलटी होऊन चार जण जखमी झाले. त्यात दोन जण गंभीर जखमी झाले. या अपघातातील टेम्पो MH.02.FX.1930 हे वाहन पलटी झाले. तर अपघातात अनुज चैतराम कश्यब (१९), लवकुश चंद्रका कश्यब (२२), अशरभ खान(१८), बबलु कश्यब (४६) हे जखमी झाले.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना तात्काळ नाशिक सिव्हिल हॉस्पिटलमध्ये दाखल करण्यात आले.
