नवी दिल्ली (इंडिया दर्पण वृत्तसेवा) – दिल्लीत बी.डी. मार्गावर नाशिकचे शिंदे गटाचे खासदार हेमंत गोडसे यांच्या कारचा भीषण अपघात झाल्याचे वृत्त आहे. या अपघातात सुदैवाने हेमंत गोडसे हे बचावले आहेत. मात्र कारचे मोठे नुकसान झाले.
संसदेमध्ये छत्रपती शिवाजी माहाराजांच्या पुतळ्याला अभिवादन करण्यासाठी ते दिल्लीत आले होते. आज कार्यक्रम संपल्यानंतर ते त्यांच्या निवासस्थानच्या दिशेने जात असतांना हा अपघात झाला.
एका गाडीला ओव्हरटेक करताना समोरुन येणा-या एका वाहनाने त्यांच्या गाडीला जोरात धडक दिली. यामध्ये गोडसे यांना कोणतीही दुखापत झाली नाही. पण, गाडीचे बरेच नुकसान झाले.
