मालेगाव (इंडिया दर्पण वृत्तसेवा)- शहरात मोठ्या प्रमाणात दुचाकी चोऱ्या वाढल्या असून त्या पार्शवभूमीवर पोलिसांनी शोध मोहीम सुरू करीत मालेगाव शहर व परिसरातून दुचाकी चोरी करणाऱ्या टोळीला बेड्या घातल्या. त्यांच्या ताब्यातून चोरीच्या १३ दुचाकी जप्त करण्यात मालेगाव पोलिसांना यश आले आहे.
पोलीस पथकाने आयुबी चौक परिसरात सापळा रचून पोलिसी खाक्या दाखविताच मालेगाव शहर, सटाणा, चांदवड, येवला, जळगाव, नाशिक शहर अशा ठिकाणांवरून चोरी केलेल्या एकूण १३ मोटर सायकली चोरी केल्याची कबुली चोरट्यांनी दिली.
पोलिसांनी या चोरांच्या ताब्यातून १३ दुचाकी असा एकुण सव्वा सहा लाख रुपये किंमतीचा मुद्देमाल जप्त केला आहे.
