येवला (इंडिया दर्पण वृत्तसेवा) – तालुक्यातील रस्ते सुरेगाव येथे कंटेनर घरात घुसल्याची घटना घडली. या अपघातात तीन वाहनाचे नुकसान झाले असून एक जण जखमी झाला आहे.
या घटनेबाबत मिळालेली अधिक माहिती अशी की, छत्रपती संभाजी नगर महामार्गावरील येवला तालुक्यातील रस्ते सुरेगाव येथे पहाटेच्या सुमारास कंटेनर चालकाचा वाहनावरील ताबा सुटला. त्यानंतर कंटेनर थेट घरात घुसला. या अपघातात एक जण जखमी तर कंटेनरने उभी असलेली तीन वाहनांचे देखील नुकसान केले.
या घटनेनंतर जखमीला रुग्णालयामध्ये उपचार करता दाखल करण्यात आले असून संबंधित घटनेचा अधिक तपास पोलीस करीत आहे. आतापर्यंत रोडवर अपघात होत असल्याच्या घटना समोर आल्या. पण, कंटनेर घरात घुसल्याची घटना पहिल्यांदा या गावात घडली.
