नाशिक (इंडिया दर्पण वृत्तसेवा) – वर्दळीच्या ठिकाणी पार्क केलेल्या कारची काच फोडून चोरट्यांनी लॅपटॉप चोरून नेला. याप्रकरणी मुंबईनाका पोलीस ठाण्यात चोरीचा गुन्हा दाखल करण्यात आला आहे.
संजय शांताराम वैद्य (रा.गंधर्व नगरी,ना.रोड) यांनी याबाबत फिर्याद दिली आहे. वैद्य बुधवारी (दि.१४) त्र्यंबकनाका भागात आले होते. पिनॅकल मॉल परिसरातील किया कार शोरूम समोर त्यांनी आपली कार पार्क केली असता ही घटना घडली.
अज्ञात भामट्यांनी कारची काच फोडून सिटावर ठेवलेला लॅपटॉप चोरून नेला. अधिक तपास जमादार सोनार करीत आहेत.
जुगार खेळणा-या तीघांवर पोलीसांची कारवाई
नाशिक (इंडिया दर्पण वृत्तसेवा) – सीबीएस परिसरात उघड्यावर जुगार खेळणा-या तीघांवर पोलीसांनी कारवाई केली. या कारवाईत जुगाराच्या साहित्यासह रोकड हस्तगत करण्यात आली असून याप्रकरणी भद्रकाली पोलीस ठाण्यात गुन्हा दाखल करण्यात आला आहे.
रफिक अमिर शेख (रा.खडकाळी),रवी देविदास साठे (रा.तलाववाडी भद्रकाली) व अशोक कपूर टाक (रा.महालक्ष्मी चाळ,वडाळानाका) अशी कारवाई करण्यात आलेल्या जुगारींची नावे आहेत. याबाबत अंमलदार दयानंद सोवनणे यांनी फिर्याद दिली आहे. सीबीएस समोरील बसेरा हॉटेलच्या पाठीमागे काही तरूण जुगार खेळत असल्याची माहिती पोलीसांना मिळाली होती.
त्यानुसार बुधवारी (दि.१४) भद्रकाली पोलीसांनी छापा टाकला असता संशयित कल्याण मटका नावाचा जुगार खेळतांना व खेळवितांना मिळून आले. या कारवाईत एक हजार ४८० रूपयांची रोकड व जुगाराचे साहित्य हस्तगत करण्यात आले असून अधिक तपास हवालदार साळुंके करीत आहेत.
