मनमाड (इंडिया दर्पण वृत्तसेवा) – मनमाड-येवला महामार्गावर येवला नजीक निजधाम आश्रमासमोर पुण्याच्या दिशेने जात असलेल्या ट्रकला अचानक आग लागली. ट्रक चालकाने वेळीच प्रसंगावधान राखत ट्रक निजधाम आश्रमासमोर उभी केली आणि त्याने ट्रक मधून उडी मारत स्वतःला वाचविले.
ट्रकला आग लागल्याचे दिसताच परिसरातील शेतकऱ्यांनी पाण्याच्या मोटर चालू करून आग विझवण्याचा प्रयत्न केला तर शेजारीच असलेल्या पेट्रोल पंपावरील फायर फायटर च्या द्वारे आग विझवण्याचा प्रयत्न करण्यात आला.
येवला अग्निशमन दल घटनांस्थळी पोचल्यावर त्यांनी आग आटोक्यात आणली. सुदैवाने कोणतीही जीवित हानी झाली नसली तरी ट्रकचे मात्र मोठे नुकसान झाले आहे.
