येवला (इंडिया दर्पण वृत्तसेवा)– दुचाकी चोरणारे तीन जणांना अटक करुन १३ दुचाकी पोलिसांनी जप्त केल्या आहे. शहर आणि परिसरातून दुचाकींची चोरी झाल्याची घटना सातत्याने घडत असतांना ही मोठी कारवाई पोलिसांनी केली आहे.
काही दिवसांपूर्वी झालेल्या दुचाकी चोरीची फिर्याद दाखल झाल्याने नविन आलेल्या जिल्हा पोलिस प्रमुखांनी दुचाकी चोरीच्या घटनांचा शोध घेण्याचे आदेश दिले.
त्यानंतर येवला शहर पोलिसांच्या पथकाने तपास सुरु केला असता तिघांना दुचाकी चोरीच्या प्रकरणी ताब्यात घेत त्यांच्याकडून ३ लाख ३५ हजार रुपये किमतीच्या १३ दुचाकी जप्त केल्या. येवला पोलिस याप्रकरणी अधिक तपास करीत आहे.
