रायग़ड (इंडिया दर्पण वृत्तसेवा) – कार्यकर्त्याची दखल कशी पदाधिका-यांनी घ्यावी याचे उत्तम उदाहरण रायगड जिल्ह्यात दिसून येते. अनेक पक्षात कार्यकर्ते काम करत असतात. पण, त्यांची दखल घेतलीच जाते असे होत नाही. पण, या जिल्ह्यात कार्यकर्त्याच्या कामाची दखल घेऊन त्याला थेट कारच भेट दिली.
याबाबत समजलेली माहिती अशी की, रायगड जिल्हा काँग्रेस कमिटीचे अध्यक्ष महेंद्रशेठ घरत हे नेहमीच चांगल्या कार्यकर्त्यांना प्रोत्साहान देत असतात. त्याचाच भाग म्हणजे काँग्रेसच्या जिल्ह्यातील अनेक सेल पैकी पर्यावरण सेलचे अध्यक्ष राजू पाटील (पेण ) यांनी जिल्ह्यात मोटरसायकल वरून पर्यावरण विभागाचे अतिशय चांगले कार्य केले.
त्यांच्या कामगिरीवर प्रभावित होऊन जिल्ह्यात सर्वत्र फिरण्यासाठी त्यांना कार बक्षीस दिली आहे. जिल्हाध्यक्ष महेंद्रशेठ घरत यांनी अनेक कार्यकर्त्यांना घर, गाडी, परदेश प्रवास, लग्नकार्यास मदत अशा अनेक स्वरूपाची मदत ते सातत्याने करत असतात. तळागाळातील कार्यकर्त्यांचा नेता म्हणून महेंद्र घरत यांची ओळख आहे.
