इंडिया दर्पण ऑनलाईन डेस्क
बिहारमधील बक्सरमध्ये रेल्वेची मोठी दुर्घटना मध्यरात्री झाली. नॉर्थ ईस्ट एक्स्प्रेसचे सहा डब्बे रुळावरून घसरल्याने त्यात अनेक जण जखमी झाले आहे. तर काहींचा मृत्यू झाला आहे. याचा आकडा अद्याप समोर आला नाही.
या अपघातात रेल्वेच्या काही बोग्या रुळावरून घसरून शेतात पडल्या. बक्सर जिल्ह्यातील रघुनाथपूर रेल्वे स्थानकाजवळ हा अपघात झाला.
बक्सरहून ट्रेन रघुनाथपूरला पोहोचताच ट्रेनच्या अनेक बोगी रुळावरून घसरल्या. या प्रकरणाला पोलिसांनीही दुजोरा दिला आहे.
बक्सरच्या पोलिस अधिाक-यांनी सांगितले की, ट्रेन क्रमांक 2506 नॉर्थ ईस्ट एक्सप्रेस रुळावरून घसरली आहे. जिल्हा प्रशासन आणि पोलिसांचे पथक घटनास्थळी दाखल झाले आहे. ही ट्रेन दिल्लीतील आनंद विहार स्थानकावरून कामाख्याच्या दिशेने जात होती. ही गाडी बक्सर जंक्शनहून आराकडे निघाली असताना हा अपघात झाला.
