मनमाड (इंडिया दर्पण वृत्तसेवा) –मनमाड -नांदगाव रोडवरील बुरुकुलवाडी परिसरात असलेल्या हनुमान मंदिरासमोर मोटरसायकल व मालट्रक अपघातात नागापूर येथील तरुण ऋषिकेश पगारे वय वर्ष अठरा याचा जागीच मृत्यू झाला. त्याचा सहकारी या अपघातात जखमी झाला. या अपघातानंतर येथील स्थानिक रहिवासी शिवसैनिक यांनी तात्काळ स्थानिकांना सोबत घेऊन मदत कार्य सुरू केले.
अपघातात जखमी तरुणाला ग्रामीण रुग्णालयात दाखल करण्यात आले. महामार्ग चौपदरीकरण झाल्यामुळे वाहतुकीची वर्दळ मोठ्या प्रमाणावर झाली आहे. संभाजीनगर जळगाव येथील टँकर माल ट्रक जाणाऱ्या येणाऱ्या गाड्यांची वर्दळ वाढलेली आहे. या रस्त्यावर स्पीड ब्रेकर लवकरात लवकर बसवण्यात यावा अशी मागणी शिवसेना उपशहर प्रमुख संजय दराडे यांनी केली आहे.
