नाशिक (इंडिया दर्पण वृत्तसेवा) – अंबडगावातील राजवाडा भागात राहणा-या एकाने गळफास लावून घेत आत्महत्या केली. सदर व्यक्तीच्या आत्महत्येचे कारण समजू शकले नाही. याप्रकरणी अंबड पोलीस ठाण्यात मृत्यूची नोंद करण्यात आली आहे.
गणेश वडग्या वळवी (रा.गणपती मंदिराजवळ,राजवाडा अंबडगाव) असे मृत व्यक्तीचे नाव आहे. वळवी यांनी शनिवारी (दि.१०) रात्री अज्ञात कारणातून आपल्या राहत्या घरात छताच्या हुकास दोरी बांधून गळफास लावून घेतला होता.
ही बाब निदर्शनास येताच मध्यरात्री प्रिती पाडवी यांनी त्यास जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास पोलीस नाईक संगम करीत आहेत.
