नाशिक (इंडिया दर्पण वृत्तसेवा) –महामार्गा वरील लेखानगर परिसरात उड्डाणपूलावर भरधाव दुचाकी दुभाजकावर आदळल्याने दुचाकीस्वाराचा मृत्यू झाला. याप्रकरणी अंबड पोलीस ठाण्यात मृत्यूची नोंद करण्यात आली आहे.
स्वप्नील शिवाजी ढोली (रा. रामकृष्ण बंगला,विजयनगर पाथर्डी फाटा) असे मृत दुचाकीस्वाराचे नाव आहे. स्वप्नील ढोली हा शनिवारी (दि.१०) रात्रीच्या सुमारास आपल्या दुचाकीने महामार्गावरून प्रवास करीत असतांना हा अपघात झाला.
पाथर्डी फाट्याकडून मुंबईनाक्याच्या दिशेने जात असतांना लेखानगर ब्रिजवर भरधाव दुचाकी दुभाजकावर आदळली. या अपघातात तो गंभीर जखमी झाल्याने भाऊ ऋषीकेश ढोली यांनी त्यास तात्काळ जिल्हारूग्णालयात दाखल केले असता डॉ.रोहित शिंगे यांनी तपासून मृत घोषीत केले. अधिक तपास पोलीस नाईक शिरवले करीत आहेत.
