नाशिक (इंडिया दर्पण वृत्तसेवा) – भरधाव अ‍ॅटोरिक्षाने दिलेल्या धडकेत ७९ वर्षीय वृध्द ठार झाले. हा अपघात वडाळारोडवरील साडू हाजी तबेला भागात झाला. याप्रकरणी मुंबईनाका पोलीस ठाण्यात अपघाताचा गुन्हा दाखल करण्यात आला आहे.
गुलाबराव इमामखान पठाण असे मृत वृध्दाचे नाव आहे. पठाण बुधवारी (दि.७) वडाळारोडने पायी जात असतांना हा अपघात झाला. साडू हाजी तबेला भागात भरधाव अ‍ॅटोरिक्षाने त्यांना जोरदार धडक दिली. या अपघातात गंभीर जखमी झाल्याने त्यांचा मृत्यू झाला.
याप्रकरणी वहीदुजमन मोहम्मद युसूफखान (रा.जेएमसीटी कॉलेजजवळ,खोडेनगर) यांनी दिलेल्या फिर्यादीवरून पोलीस दप्तरी एमएच १५ एफयू ७७३१ वरील चालकाविरूध्द अपघाताचा गुन्हा दाखल करण्यात आला असून अधिक तपास पोलीस नाईक शिंदे करीत आहेत.
