नाशिक (इंडिया दर्पण वृत्तसेवा)– गंजमाळ परिसरातील पंचशिलनगर भागात पार्क केलेल्या कारमधून चोरट्यांनी लॅपटॉप चोरून नेल्याची घटना घडली. याप्रकरणी भद्रकाली पोलीस ठाण्यात चोरीचा गुन्हा दाखल करण्यात आला आहे.
भाविक वसंतराव तोरवणे (रा.पी अ‍ॅण्ड टी कॉलनी,शरणपूर लिंकरोड) यांनी याबाबत फिर्याद दिली आहे. तोरवणे मंगळवारी (दि.६) कामानिमित्त गंजमाळ भागात गेले होते. पंचशिलनगर भागातील व्यायाम शाळा भागात त्यांनी आपली कार पार्क केली असता ही घटना घडली.
कृष्णा अर्जुन अपार्टमेंट परिसरात लावलेल्या कारचा दरवाजा उघडून चोरट्यांनी कारमधील सुमारे ५० हजार रूपये किमतीचा अ‍ॅपल कंपनीचा लॅपटॉप चोरून नेला. अधिक तपास पोलीस नाईक म्हसदे करीत आहेत.
