नाशिक (इंडिया दर्पण वृत्तसेवा) – मखमलाबाद शिवारातील हॉटेल मामाचा मळा येथे हॉटेलच्या आवारातून स्वयंपाकाच्या चार तांब्याच्या डेग चोरट्यांनी चोरून नेल्या. याप्रकरणी म्हसरूळ पोलीस ठाण्यात चोरीचा गुन्हा दाखल करण्यात आला आहे.
चिंतन निलेश देवरे (रा.खुटवडनगर) यांनी याप्रकरणी तक्रार दाखल केली आहे. देवरे मखमलाबाद शिवारातील मामाचा मळा हॉटेलचे कामकाज पाहतात.
सोमवारी (दि.५) रात्री अज्ञात चोरट्यांनी हॉटेलच्या आवारात पडलेल्या सुमारे १ लाख ५९ हजार ७५ रूपये किमतीच्या तांब्याच्या चार डेग चोरून नेल्या. अधिक तपास जमादार भोज करीत आहेत.
