वंदना वेदपाठक, इंडिया दर्पण वृत्तसेवा
‘द केरला स्टोरी’ मध्ये आपल्या अभिनयाची चुणूक दाखवत अदा शर्माने सर्वांची मनं जिंकली होती. आता अदाने तिच्या आगामी ‘बस्तर’ सिनेमात आयपीएस नीरजा माधवन ही भूमिका साकारली आहे.
‘बस्तर’ च्या टीझरमध्ये अदा शर्मा एका सरकारी कार्यालयात बसलेली दिसतेय. तिने काळ्या रंगाचा टीशर्ट परिधान केलेला असतो. तिच्यासमोर कॅमेरा असून ती निडरपणे तिचं म्हणणं मांडताना दिसते. “देशात नक्षलवाद्यांच्या आतंकी हल्ल्यात अनेक जवान शहीद होतात. पण त्यांची संख्या लपवली जाते. बस्तर सारख्या भागात ७६ जवान शहीद झाले. पण या गोष्टीचा JNU सारख्या देशाच्या प्रतिष्ठित विद्यापीठात आनंद साजरा केला जातोय. भारतातील काही सूडो इंटेलेक्चुअल्स पैशांसाठी देश तोडायला निघाली आहेत. माझी लढाई या सर्वांशी आहे”, असं स्वगत अदा कॅमेरासमोर बोलताना दिसते.
विपुल अमृतलाल शाह निर्मित ‘बस्तर’ चं दिग्दर्शन सुदिप्तो सेन करणार आहेत. सिनेमात अदा शर्मा प्रमुख भूमिकेत आहे. हा सिनेमा १५ मार्च २०२४ ला थिएटरमध्ये रिलीज होणार आहे. ‘द केरळ स्टोरी’ नंतर सामाजिक विषयावर भाष्य करणारा अदाचा हा नवीन सिनेमा पाहण्यास सर्वजण उत्सुक आहेत.सिनेमाचा टीझर खूप जबरदस्त असून नक्षलवादी हल्ल्यावर आधारित हा चित्रपट देशभक्ती ने ओतप्रोत आहे.
