नाशिक (इंडिया दर्पण वृत्तसेवा)- गोदाघाटावरील रामकुंड भागात देवदर्शनसाठी आलेल्या कल्याण येथील महिलेच्या पर्स मधून रोकडसह मोबाईल चोरट्यांनी चोरून नेल्याची घटना घडली. याप्रकरणी पंचवटी पोलीस ठाण्यात चोरीचा गुन्हा दाखल करण्यात आला आहे.
सिध्दी संतोष वाघमारे (रा.चिंचपाडा,चर्चरोड कल्याण) यांनी याबाबत फिर्याद दिली आहे. वाघमारे या शनिवारी (दि.३) देवदर्शनासाठी शहरात आल्या होत्या. गोदाघाटावर त्या देवदर्शन करीत असतांना ही घटना घडली.
गंगेची पुजा करीत असतांना अज्ञात चोरट्यांनी त्यांच्या पर्समधील दोन हजाराची रोकड,मोबाईल व महत्वाची कागदपत्र आणि एटीएम कार्ड चोरून नेली. अधिक तपास हवालदार शेवाळे करीत आहेत.
