नाशिक (इंडिया दर्पण वृत्तसेवा) – पखाल रोड भागात आर्थिक वाद मिटविण्यासाठी घरी बोलावलेल्या तिघांनी महिलेचा विनयभंग केल्याची घटना घडली. महिलेस मारहाण करीत त्रिकुटाने हे कृत्य केले असून याप्रकरणी मुंबईनाका पोलीस ठाण्यात विनयभंगाचा गुन्हा दाखल करण्यात आला आहे.
पोलीसांनी दिलेल्या माहितीनुसार आकाश अनमट गांगुर्डे, त्याचे दोन साथीदार व अनिता अनमट गांगुर्डे अशी गुन्हा दाखल करण्यात आलेल्या संशयितांची नावे आहेत. पखाल रोड भागातील पीडितेने फिर्याद दिली आहे.
पीडिता व संशयित एकमेकांचे परिचीत असून त्यांच्यात आर्थिक व्यवहार आहेत. पैशांच्या व्यवहाराबाबत बोलणी करण्यासाठी पीडितेने रविवारी (दि.४) संशयितांना आपल्या घरी बोलावले असता ही घटना घडली. बोलणी चालू असतांना संशयितांनी महिलेच्या घराचा दरवाजा लावून घेत तिला मारहाण करीत विनयभंग केला. अधिक तपास जमादार शेख करीत आहेत.
