नाशिक (इंडिया दर्पण वृत्तसेवा) – बांधकाम सुरू असलेल्या इमारतीच्या तिस-या मजल्यावर ठेवलेले सेंट्रींगचे साहित्य चोरट्यांनी चोरून नेल्याची घटना पाथर्डी शिवारातील गौळाणेरोड भागात घडली. याप्रकरणी इंदिरानगर पोलीस ठाण्यात चोरीचा गुन्हा दाखल करण्यात आला आहे.
किशोर रमणीकलाल रामजीयानी (रा.म्हाडा कॉलनी,दिंडोरीरोड) यांनी फिर्याद दिली आहे. रामजीयाणी आरसीसी कॉन्ट्रॅक्टर असून त्यांचे पाथर्डी शिवारातील गौळाणेरोड भागातील काम सुरू आहे.
एसएसके क्लब समोरील लक्ष्मी नारायण होमस या नव्याने बांधकाम सुरू असलेल्या इमारतीच्या तीसºया मजल्यावर ठेवलेले सुमारे ९२ हजार ४०० रूपये किमतीच्या लोखंडी आयबीम चोरट्यांनी चोरून नेले. अधिक तपास उपनिरीक्षक सोनवणे करीत आहेत.
बसमध्ये चढतांना महिलेच्या पर्समधील दागिणे चोरीला
नाशिक (इंडिया दर्पण वृत्तसेवा) – जुने सिबीएस बसस्थानकात बसमध्ये चढतांना महिलेच्या पर्समधील दागिणे चोरट्यांनी हातोहात लांबविल्याची घटना घडली. या घटनेत २० हजाराच्या रोकडसह दागिणे असा लाखाचा ऐवज चोरट्यांनी पळविला असून याप्रकरणी सरकारवाडा पोलीस ठाण्यात चोरीचा गुन्हा दाखल करण्यात आला आहे.
अनिता अरूण पवार (रा.वर्तकनगर ठाणे) यांनी याबाबत फिर्याद दिली आहे. पवार या शुक्रवारी (दि.२) आपल्या गावी जाण्यासाठी सीबीएस बसस्थानकात पोहचल्या असता ही घटना घडली.
दुपारच्या सुमारास त्या नाशिक कळवण बसमध्ये चढत असतांना अज्ञात चोरट्यांनी गर्दीची संधी साधत त्यांच्या पर्स मधील रोकडसह अलंकार असा सुमारे एक लाखाचा ऐवज चोरून नेला. ही बाब बसमध्ये बसल्यानंतर निदर्शनास आली. अधिक तपास तपास सहाय्यक निरीक्षक खैरणार करीत आहेत.
