नाशिक (इंडिया दर्पण वृत्तसेवा) – म्हसरूळ पोलीस ठाणे हद्दीतील वेगवेगळया भागात राहणा-या दोघांनी आत्महत्या केली. त्यातील एकाने गळफास लावून घेत तर दुसºयाने विषारी औषध सेवन करून आपले जीवन संपविले. दोघांच्याही आत्महत्येचे कारण स्पष्ट होवू शकले नाही. याबाबत म्हसरूळ पोलीस ठाण्यात वेगवेगळया मृत्यूच्या नोंदी करण्यात आल्या आहेत.
पोलीसांनी दिलेल्या माहितीनुसार दिलीप प्रकाश दंडगव्हाळ (४५ रा.मयुर अंगण रो हाऊस,पाण्याच्या टाकीजवळ एरिकेशन कॉलनी मखमलाबाद ) यांनी बुधवारी (दि.३१) मध्यरात्री अज्ञात कारणातून आपल्या राहत्या घरातील बेडरूममध्ये पंख्यास ओढणी बांधून गळफास लावून घेतला होता. ही बाब निदर्शनास येताच मुलगा दर्श दंडगव्हाळ याने त्यांना तातडीने जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले.
दुसरी घटना म्हसरूळ लिंकरोड भागात घडली. अमोल उत्तमराव वाघ (४५ रा.मृदगंध सोसा) यांनी गेल्या २४ जानेवारी रोजी अज्ञात कारणातून आपल्या राहत्या घरात विषारी औषध सेवन केले होते. मावस भाऊ गणेश शिरसाठ यांनी जिल्हारूग्णालयात दाखल केले असता गुरूवारी (दि.१) दुपारी उपचार सुरू असतांना वैद्यकीय सुत्रांनी त्यांना मृत घोषीत केले. दोन्ही मृत्यूच्या घटनांची म्हसरूळ पोलीस ठाण्यात नोंदी करण्यात आल्या असून अदिक तपास जमादार भोज व हवालदार जगताप करीत आहेत.
