पाच हजाराची लाच घेतांना ग्रामसेवक एसीबीच्या जाळ्यात

नाशिक (इंडिया दर्पण वृत्तसेवा) – शेतात वेअर हाऊस बांधण्याकरता ग्रामपंचायतची परवानगी दिल्याच्या मोबदल्यात पाच हजाराची लाच घेतांना जळगाव जिल्ह्याच्या चोपडा तालुक्यातील देवगांव येथील ग्रामसेवक हेमचंद्र दत्तात्रय सोनवणे (३९) हे लाच लुचपत विभागाच्या जाळ्यात अडकले. त्यांच्या विरुध्द अडावड पोलीस स्टेशन येथे गुन्हा दाखल करण्यात आला आहे.

या कारवाईबाबत एसीबीने दिलेली माहिती अशी की, तक्रारदार यांचे चोपडा तालुक्यातील पारगाव येथे शेत असून त्यामध्ये वेअर हाऊस बांधण्याकरता ग्रामपंचायतची परवानगी मिळावी म्हणून तक्रारदार यांनी सुमारे दीड महिन्यापूर्वी अर्ज केला होता. ग्रामसेवक सोनवणे यांनी तक्रारदार यांना वेअर हाऊस बांधकामाची परवानगी दिली. त्यानंतर केलेल्या कामाचा मोबदला, बक्षीस म्हणून तक्रारदार यांचेकडे ७५०० हजार रुपयांची लाचेची मागणी केली. ३१ जानेवारी २०२४ रोजी पंचा समक्ष लाच मागणीची पडताळणी केली असता ग्रामसेवक यांनी तडजोडीअंती त्यांना पाच हजार रुपयाची लाच घेताना रंगेहात पकडले. याप्रकरणी अडावड पोलीस स्टेशन ता. चोपडा जि. जळगांव येथे गुन्हा दाखल करण्यात आला आहे.

*यशस्वी सापळा कारवाई
*युनिट -* जळगाव.
तक्रारदार- पुरुष,वय-33 रा. धानोरा ता. चोपडा जि.जळगांव
आलोसे- हेमचंद्र दत्तात्रय सोनवणे , वय 39 वर्ष व्यवसाय नोकरी , ग्रामसेवक देवगांव, पारगाव रा. चोपडा ता. चोपडा जि.जळगांव

*लाचेची मागणी- 7500/-
*लाच स्विकारली- 5000/ रुपये
*हस्तगत रक्कम- 5000/-रुपये
*लालेची मागणी – दि.31/01/2024
*लाच स्विकारली – दि.31/01/2024

*लाचेचे कारण -यातील तक्रारदार यांचे पारगाव गावी येथे शेत असून त्यामध्ये वेअर हाऊस बांधण्याकरता ग्रामपंचायतची परवानगी मिळावी म्हणून तक्रारदार यांनी सुमारे दीड महिन्यापूर्वी अर्ज केला होता. त्याप्रमाणे यातील आलोसे ग्रामसेवक सोनवणे यांनी तक्रारदार यांना वेअर हाऊस बांधकामाची परवानगी दिली व केलेल्या कामाचा मोबदला /बक्षीस म्हणून तक्रारदार यांचे कडे ७५०० हजार रुपयांची लाचेची मागणी केली. दिनांक ३१ जानेवारी २०२४ रोजी पंचा समक्ष लाच मागणीची पडताळणी केली असता आलोसे यांनी तडजोडीअंती त्यांना पाच हजार रुपयाची लाच घेताना रंगेहात पकडण्यात आले आहे.त्यांचेवर अडावड पोलीस स्टेशन ता. चोपडा जि. जळगांव येथे गुन्हा दाखल करण्यात येत आहे.
हॅश व्हॅल्यू घेण्यात आली आहे.
*सापळा व तपास अधिकारी – श्री.सुहास देशमुख, पोलिस उप अधीक्षक,ला.प्र.वि. जळगांव.
*सापळा पथक – सफौ दिनेशसिंग पाटील , पो.ना. बाळू मराठे ,पोशी. राकेश दुसाने
कारवाई मदत पथक- एन. एन. जाधव , पोलीस निरीक्षक स.फौ.सुरेश पाटील, पो.ह.रविंद्र घुगे, मपोहेकॉ शैला धनगर ,पो.ना.किशोर महाजन,पो.कॉ. प्रदीप पोळ,पो.कॉ,पो. कॉ.प्रणेश ठाकुर, पोशी अमोल सूर्यवंशी,