नाशिक (इंडिया दर्पण वृत्तसेवा) – शहरात वेगवेगळया भागातून पाच मोटारसायकली चोरीला गेल्याची घटना घडली आहे. याप्रकरणी पंचवटी, मुंबईनाका,अंबड,गंगापूर व देवळाली कॅम्प पोलीस ठाण्यात गुन्हे दाखल करण्यात आले आहेत.
पहिली घटना गंगापूररोड भागात घडली. प्रमोद विनायक कुकडे (रा.पिंपळगाव खांब ता.जि.नाशिक) हे मंगळवारी देवदर्शनासाठी गंगापूररोडवरील सोमेश्वर मंदिरात गेले असता ही घटना घडली. पार्किंगमध्ये लावलेली त्यांची युनिकॉर्न एमएच १५ जीबी २४७८ मोटारसायकल चोरट्यांनी चोरून नेली. याबाबत गंगापूर पोलीस ठाण्यात गुह्याची नोंद करण्यात आली असून अधिक तपास जमादार झाडे करीत आहेत.
दुस-या घटनेत मयुर मधुकर हातवळणे (रा.मधुबन अपा. तारवालानगर) यांनी फिर्याद दिली आहे. हातवळणे यांची एमएच १५ सीएच ४२२२ दुचाकी गेल्या गुरूवारी (दि.२५) रात्री त्यांच्या सोसायटीच्या पार्कि गमध्ये लावलेली असतांना ती चोरट्यांनी पळवून नेली. याबाबत पंचवटी पोलिस ठाण्यात गुह्याची नोंद करण्यात आली असून अधिक तपास हवालदार कोरडे करीत आहेत.
तिसरी तक्रार किरण उंबर भदाणे (रा.हिरावाडी) यांनी दिली आहे. भदाणे गेल्या मंगळवारी मुंबईनाका पोलीस ठाणे हद्दीत गेले होते. पार्क केलेली त्यांची स्प्लेंडर एमएच १८ बीके २३९३ चोरट्यांनी चोरून नेली. याबाबत मुंबईनाका पोलीस ठाण्यात गुन्हा दाखल करण्यात आला असून अधिक तपास पोलिस नाईक बहिरम करीत आहेत.
चौथी घटना सिडकोतील उपेंद्रनगर भागात घडली. दिगंबर रामदास आठवले (रा.उपेंद्रनगर,अंबड) यांनी तक्रार दाखल केली आहे. आठवले यांची शाईन मोटारसायकल एमएच १५ एफए ६४७७ गेल्या १ डिसेंबर रोजी रात्री त्यांच्या घरासमोर पार्क केलेली असतांना ती चोरट्यांनी पळवून नेली. याबाबत अंबड पोलीस ठाण्यात गुन्हा दाखल करण्यात आला असून अधिक तपास पोलिस नाईक संगम करीत आहेत. तर संतोषकुमार सत्यनारायण पोद्दार (रा.दिव्यसृष्टी सोसा.आडकेनगर दे.कॅम्प) हे गेल्या शनिवारी (दि.२०)देवळाली कॅम्प येथील संण्डे मार्केटमध्ये गेले होते. पार्किंगमध्ये लावलेली त्यांची यामाहा एमएच १५ डब्ल्यू ११९६ मोटारसायकल चोरट्यांनी पळवून नेली. याप्रकरणी देवळाली कॅम्प पोलीस ठाण्यात गुह्याची नोंद करण्यात आली असून अधिक तपास हवालदार तुपे करीत आहेत.
