येवला (इंडिया दर्पण वृत्तसेवा) – येवला – मनमाड रस्त्यावर प्रवासी व्हॅनचा अपघात झाला असून त्यात १२ प्रवासी जखमी झाले आहे. मनमाडहून येवला येथे प्रवाशांना घेऊन जात असतांना ही घटना घडली. चालकाला डुलकी लागल्याने व्हॅन थेट नाल्यातच गेली.
खासगी वाहतूक करणारी इरेटिका व्हॅन मनमाडहून काही प्रवाशांना घेऊन सकाळच्या सुमारास जात होती. येवला जवळ निजधाम समोरील पुला जवळील नाल्यात ती गेली. या अपघातात १२ जण जखमी झाले असून यातील काही प्रवाशी हे सुरत येथील आहे.
या अपघातात जखमी असलेल्या १२ प्रवाशांपैकी २ जण गंभीर जखमी झाले आहे. त्यांना बाहेरगावी उपचारा करता हलविण्यात आले आहे. चालकाला डुलकी लागल्याने कार थेट रस्ता सोडून नाल्यात गेल्याचे बोलले जात आहे.
