सोलापूर (इंडिया दर्पण वृत्तसेवा) – वाहतूकीचे नियम मोडणे तीन तरुणांना चांगलेच महागात पडले आहे. एका अपघातात या तिन्ही तरुणांचा मृत्यू झाला आहे. सोलापुरात ही घटना घडली असून दुचाकी झाडावर आदळून झालेल्या अपघातात या तीन तरुणांचा मृत्यू झाला. महावीर चौक रस्त्यावर मध्यरात्री दीड वाजण्याच्या सुमारास ही घटना घडली. या अपघातात इरण्णा मठपती, निखिल कोळी, दिग्विजय सोमवंशी असे तिघे तरुण ठार झाले.
हे तिघेही एकाच दुचाकीवरून जात असताना महावीर चौकात मध्यरात्री दीड वाजण्याच्या सुमारास झाडाला धडकली. यात तिघेही गंभीर जखमी झाले. त्यांना पोलिसांनी सोलापूरच्या शासकीय रुग्णालयात दाखल केले; मात्र उपचारापूर्वीच त्यांचा मृत्यू झाला. शासकीय रुग्णालयात मित्र आणि नातेवाइकांनी मोठी गर्दी केली होती.
खरं तर ही दुर्दैवी घटना आहे. पण, दुचाकीवरुन ट्रीपल सीट प्रवास करत असल्यामुळे वाहनांना कंट्रोल करणे अवघड असते. त्यामुळे या तरुणांचे वाहन झाडाला धडकले व त्यांचा या अपघातात मृत्यू झाला.
