नाशिक (इंडिया दर्पण वृत्तसेवा) – पत्ता विचारण्याचा बहाण्याने चारचाकीतून आलेल्या भामट्यांनी महिलेच्या गळयातील सोन्याचे गंठण लांबविल्याची घटना जेलरोड भागात घडली. याप्रकरणी नाशिकरोड पोलीस ठाण्यात जबरीचोरीचा गुन्हा दाखल करण्यात आला आहे.
जया वसंत फाटे (५४ रा.नगहरीनगर जेलरोड) यांनी याबाबत फिर्याद दिली आहे. फाटे या रविवारी (दि.२८) आपल्या घर परिसरात फेरफटका मारत असतांना ही घटना घडली. सातभाई संकुल भागात पाठीमागून चारचाकीतून आलेल्या इसमाने त्यांना पत्ता विचारण्याचा बहाणा करून ही जबरीचोरी केली.
तोंडाला रूमाल बांधलेल्या इसमाने लोखंडे नगर किधर है असे विचारत त्यांच्या गळय़ातील सुमारे ४५ हजार रूपये किमतीचे सोन्याचे मिनी गंठण हिसकावून नेले. अधिक तपास सहाय्यक निरीक्षक गणेश शेळके करीत आहेत.
