इंडिया दर्पण ऑनलाईन डेस्क
बंगळूरःकर्नाटकातील मंड्या येथील १०८ फूट उंच स्तंभावरून हनुमान ध्वज हटवल्याच्या मुद्द्यावरून राज्याचे काँग्रेस सरकार निशाण्यावर आले आहे. सिद्धरामय्या सरकारच्या आदेशावरून हे पाऊल उचलल्याने राज्यात नवा राजकीय वाद निर्माण झाला आहे. या घटनेनंतर परिसरात झालेल्या हिंसक घटनांसाठी भाजपने काँग्रेस सरकारला जबाबदार धरले आहे. सिद्धरामय्या यांनी या संपूर्ण प्रकरणावर मौन सोडले आहे.
मंड्यातील केरागोडू गावातील १०८ फूट उंच खांबावरून हनुमान ध्वज हटवण्याचे अधिकाऱ्यांचे पाऊल योग्य असल्याचे ते म्हणाले. त्या ऐवजी त्या ठिकाणी राष्ट्रध्वज फडकवायला हवा होता, असे ते म्हणाले. राष्ट्रध्वजाच्या जागी भगवा ध्वज फडकवणे योग्य नाही. त्यांनी राष्ट्रध्वज फडकवायला हवा होता, असे ते म्हणाले होते. या निर्णयामुळे राज्यात आणि भाजपमध्ये मोठा राजकीय वाद निर्माण झाला आहे. या घटनेवर टीका केली आहे. अशांततेसाठी काँग्रेसला जबाबदार धरण्यात आले आहे.
कर्नाटक भाजपचे अध्यक्ष बवाई विजयेंद्र म्हणाले, “जेव्हा ग्रामपंचायत मंडळाने मंड्या जिल्ह्यातील केरागोडू गावात हनुमान ध्वज फडकवण्याचा निर्णय घेतला, तेव्हा राज्य सरकारने पोलिस दलाच्या माध्यमातून ध्वज उतरवण्याचे धाडस दाखवले. राज्यातील कायदा आणि सुव्यवस्था ढासळली. या परिस्थितीचे कारण काँग्रेस सरकार आहे.
मिळालेल्या माहितीनुसार, रविवारी पोलिसांनी मंड्यातील केरागोडू गावात भगवान हनुमानाचे प्रतीक असलेला भगवा ध्वज हटवला. भाजप, जेडी(एस) आणि बजरंग दलाच्या समर्थकांनी ध्वज हटवण्याचा प्रयत्न केल्याबद्दल अधिकाऱ्यांविरोधात जोरदार निदर्शने केली. जमावाला पांगवण्यासाठी पोलिसांना लाठीमार करावा लागला. पोलिस आणि स्थानिक प्रशासनाने ध्वज उतरवून त्या जागी तिरंगा लावला. केरागोडू आणि शेजारच्या १२ गावांतील लोकांनी ध्वजाच्या स्थापनेसाठी पैसे गोळा केले होते. या उपक्रमात भाजप आणि जेडीएस कार्यकर्त्यांचा सक्रिय सहभाग असल्याचे बोलले जात आहे. अज्ञात व्यक्तींच्या तक्रारीनंतर पोलिसांनी कारवाई केली. पंचायत कार्यकारी अधिकाऱ्यांनी ग्रामपंचायत अधिकाऱ्यांना ध्वज हटवण्याचे निर्देश दिले होते; मात्र स्थानिक लोकांनी या कारवाईला विरोध करत रात्रभर धरणे आंदोलन केले. रविवारी सकाळी त्यांनी मुख्यमंत्री आणि मंड्याचे काँग्रेस आमदार गनिगा रविकुमार यांच्या विरोधात घोषणाबाजी केली.
