नाशिक (इंडिया दर्पण वृत्तसेवा) – रस्त्याने पायी जाणा-या महिलेच्या गळयातील मंगळसूत्र दुचाकीस्वार भामट्यांनी ओरबाडून नेल्याची घटना पाथर्डीफाटा परिसरातील माऊलीनगर भागात घडली. याप्रकरणी इंदिरानगर पोलिस ठाण्यात जबरीचोरीचा गुन्हा दाखल करण्यात आला आहे.
शिला राजेश्वर निनावे (रा. साई रेसि.जवळ आयोध्या कॉलनी पाथर्डी फाटा) यांनी याबाबत फिर्याद दिली आहे. निणावे शनिवारी (दि.२७) रात्री जेवण आटोपून फेरफटका मारण्यासाठी घराबाहेर पडल्या होत्या. माऊलीनगर परिसरातील समर्थ लिला अपार्टमेंट समोरून त्या पायी जात असतांना ही घटना घडली.
समोरून आलेल्या दुचाकीस्वारांपैकी एकाने त्यांच्या गळयातील सुमारे २४ हजार रूपये किमतीचे मंगळसुत्र हिसकावून नेले. अधिक तपास जमादार शेख करीत आहेत.
