इंडिया दर्पण ऑनलाईन डेस्क
येवला- मनमाड महामार्गावर धानोरा शिवारात मालवाहतूक करणाऱ्या ट्रकने बाजारात सायकलस्वारास चिरडल्याची दुर्दैवी घटना घडली. या घटनेत सायकलस्वाराचा मृत्यू झाला आहे. या घटनेमुळे पुन्हा एकदा या महामार्गावरील अपघाताचा विषय रडारवर आला आहे.
या घटनेत सायकलस्वार जनार्धन गायकवाड वय ५५ यांना ट्रकने चिरडीत पन्नास फूट लांब फरफटत नेले. त्यात त्यांचा अक्षरशः चेंदामेंदा झाल्याने त्यांचा जागीच मृत्यू झाला. या घटनेची माहिती मिळताच पोलीस घटनास्थळी दाखल झाले.
त्यानंतर गायकवाड यांचा मृतदेह रुग्णवाहिकेतून उपजिल्हा रुग्णालयात नेण्यात आला. दरम्यान ट्रक चालक घटनास्थळाहून पसार झाला असून पोलीस त्याचा शोध घेत आहे. या अपघातामुळे या मार्गावरची वाहतूक मात्र काही काळ विस्कळीत झाली होती
