नाशिक (इंडिया दर्पण वृत्तसेवा) – महामार्गावरील ट्रक टर्मिनल भागात भरधाव चारचाकीने दिलेल्या धडकेत २६ वर्षीय दुचाकीस्वाराचा मृत्यू झाला. विनायक चिंतामन गोसावी (२६ रा.दत्तनगर आडगाव) असे मृत दुचाकीस्वाराचे नाव आहे. याप्रकरणी आडगाव पोलिस ठाण्यात अपघाताची नोंद करण्यात आली आहे.
पोलीसांनी दिलेल्या माहितीनुसार गोसावी गेल्या रविवारी (दि.२१) महामार्गावरून आपल्या दुचाकीने प्रवास करीत असतांना हा अपघात झाला होता. आडगाव शिवारातील ट्रक टर्मिनल समोर भरधाव एमएच १२ केवाय ७३४३ या चारचाकी वाहनाने दुचाकीस धडक दिल्याने गोसावी जखमी झाला होता. त्यात त्याचा मृत्यू झाला.
याबाबत रोशन बावा (गोसावी) यांनी दिलेल्या फिर्यादीवरून वाहनचालकाविरूध्द गुन्हा दाखल करण्यात आला असून अधिक तपास जमादार बस्ते करीत आहेत.
